Ինչպես գրում է Elsveir գիտական կայքը, կենցաղային սարքերի մեջ կարող են կուտակվել այնպիսի սնկեր, որոնք լուրջ վտանգ են ներկայացնում առողջության համար: Այս թեմայով հետազոտություն են իրականացրել սլովենական Լյուբլյանայի համալսարանի գիտնականները:
Նրանց խոսքերով` ամենաշատն այդպիսի մանրէներ կարող են կուտակվել սպասք լվանալու սարքերում և լվացքի մեքենաներում, ինչպես նաև սրճեփներում: Աշխատանքի ընթացքում այդ սարքերը ստեղծում են խոնավ միջավայր: Հատկապես դա վերաբերում է սպասք լվանալու սարքերին, որոնցում օգտագործվում է եռման ջուր, լվացքի մածուկներ և աղ:
Գիտնականներն ուսումնասիրություններ են կատարել 6 մայրցամաքների 101 տարբեր քաղաքների տնային տնտեսություններում: Պարզվել է, որ 62% դեպքերում սնկերը կուտակվում են դռան և ռետինե միջադիրների վրա: Հայտնաբերված Exophiala dermatitidis և E. Phaeomuriformis մանրէները կայուն են բարձր ջերմաստիճանների հանդեպ: Այս մանրէները հաճախ պատճառ են հանդիսանում ծանր հիվանդությունների համար, հաճախ հանգեցնում են թոքերի ախտահարման:
Հետազոտությունները ցույց են տվել, որ տեխնիկայի արագ զարգացման հետ մեկտեղ արագ էվոլյուցիայի են ենթարկվում նաև այս մանրէները, որոնց պատճառած վնասները կարող են անկանխատեսելի լինել:
