Առաջիկա օրերին Թուրքիայում հայտնի կդառնան կառավարության կողմից այլ կոռուպցիոն խախտումներ՝ հայտարարել է Թուրքիայի ընդդիմադիր Ժողովրդա-հանրապետական կուսակցության առաջնորդ Քեմալ Քըլըչդարօղլուն՝ գրում է Todays zaman թերթը:
Քըլըչդարօղլուի խոսքով՝ ավելի վաղ իր կուսակցությունը հայտարարել էր, որ երկրում ժողովրդավարությունը սպառնալիքի տակ է:
«Երկրում իշխանության բաժանման սկզբունքը խախտված է: Ես վստահ եմ, որ առաջիկա օրերին մենք կիմանանք կառավարության կողմից այլ կոռուպցիոն խախտումների մասին»,- ասել է Քըլըչդարօղլուն:
Ընդդիմության առաջնորդը քննադատության է ենթարկել Թուրքիայի վարչապետ Ռեջեփ Թայիփ Էրդողանի հայտարարությունն այն մասին, որ սկանդալը կազմակերպվել է կառավարությանը փոխարինելու համար:
«Ապացույցները հստակ մատնանշում են նախարարների ու այլ բարձրաստիճան անձանց ներգրավվածությունը կոռուպցիային»,- հայտարարել է նա:
