Պաշտպանության նախարար Սեյրան Օհանյանն այսօր այցելեց ՀՀ ՊՆ հանրապետական հավաքակայան, որտեղից զորակոչվում են պարտադիր զինվորական ծառայության: Նախարարը զրուցեց զորակոչիկների հետ, հետաքրքրվեց նրանց առողջական վիճակով, զորակոչիկներին մաղթեց բարի ծառայություն:
Սեյրան Օհանյանը լրագրողների հետ զրույցում, ամդրադառնալով վիճակահանությամբ բանակ զորակոչվելուն, նշեց, որ դրա շնորհիվ կտրուկ պակասել են կոռուպցիոն ռիսկերը, և աշխատելու են, որ տարեցտարի վստահությունը բանակի նկատմամբ հասարակության մեջ էլ ավելի բարձրանա: Ըստ նախարարի՝ վիճակահանությամբ զորակոչվելու դեպքում կոռուպցիոն ռիսկերը բացառված են, դրանք կարող են լինել միայն մինչև 18 տարեկանը՝ տարբեր հաստատությունների միջոցով:
Նախարարն ասաց նաև, բանակում մեծ չափով նվազել են արտակարգ պատահարները, ԶՈւ-ի համար շատ կարևոր է յուրաքանչյուր զինծառայող, իսկ կորուստը մեր շահերից չի բխում. «Այն պետություններում, որտեղ ժամկետային զինծառայողներն են ԶՈւ-ի համալրման զգալի մաս կազմում, որևէ դեպք թաքցնելն անհնար է, և մենք նման մտադրություն չենք էլ ունեցել»:
Նախարարը վերջում տեղեկացրեց, որ հունվարի 15-20-ը հանդիպելու է վաշտի հրամանատարից բարձր զինվորականների հետ:
Մանրամասները դիտեք տեսանյութում:
