Լիբիայի վարչապետ Ալի Զեյդանն օտարերկրյա նավթային ընկերություններին զգուշացրել է զերծ մնալ գրոհայինների կողմից նվաճված նավահանգիստներում տանկերների լիցքավորումից: Այս մասին հաղորդում է Ria Novosti-ն` վկայակոչելով Al-Jazzira հեռուստաալիքին:
Հակառակ դեպքում տանկերները ջրասույզ կարվեն Լիբիայի ռազմածովային ուժերի կողմից: Զեյդանն այս մասին հայտարարել է այն բանից հետո, երբ ռազմածովային ուժերը նախազգուշական կրակոցների միջոցով հետ են մղել տանկերը, որը փորձել է լիցքավորվել գրավված նավահանգստում:
«Ցանակցած երկիր կամ ընկերություն, որը կփորձի լիցքավորել տանկերը գրավված նավահանգստում առանց Ազգային նավթային ընկերության հետ համաձայնեցնելու… մենք կմաքրենք մեր հաշիվները նրա հետ, եթե նույնիսկ անհրաժեշտ լինի ջրասույզ անել կամ ոչնչացնել տանկերները»,- ասել է Զեյդանը:
«Մենք զգուշացնում ենք բոլոր երկրներին` ներողամտություն չի լինի»,- ընդգծել է վարչապետը:
