ՀՀ վարչական վերաքննիչ դատարանը քննարկելով ՀՀ վարչական դատարանի 2013 թ. նոյեմբերի 27-ի որոշման դեմ Հելսինկյան Քաղաքացիական Ասամբլեայի Վանաձորի գրասենյակի կողմից ներկայացված վերաքննիչ բողոքը վարույթ ընդունելու հայցը, որոշել է կազմակերպության կողմից ներկայացված վերաքննիչ բողոքը ընդունել վարույթ:
ՀՀ վարչական վերաքննիչ դատարանը որոշման մեջ մասնավորապես նշում է. «Վերաքննիչ դատարանը գտնում է, որ վերաքննիչ բողոքը ենթակա է վարույթ ընդունման, քանի որ համապատասխանում է Հայաստանի Հանրապետության վարչական դատավարության օրենսգրքի 117.4-րդ հոդվածի պահանջներին և բացակայում են նույն օրենսգրքի 117.6-րդ հոդվածով նախատեսված՝ վերաքննիչ բողոքը վերադարձնելու հիմքերը»:
Հիշեցնենք, որ ՀՔԱ Վանաձորի գրասենյակը ՀՀ վարչական դատարան էր ուղարկել հայցադիմում՝ ՀՀ նախագահ Ս. Սարգսյանի 2013 թ. սեպտեմբերի 3-ի Մաքսային միությանը անդամակցելուն ուղղված գործողությունները ոչ իրավաչափ ճանաչելու պահանջով:
