Եգիպտոսի նախկին նախագահ Մուհամմադ Մուրսիի և «Մուսուլման եղբայրներ» ասոցիացիայի առաջնորդների դատական գործընթացը, որոնք մեղադրվում են ցուցարարների սպանության մեջ, հետաձգվել է մինչև փետրվարի 1՝ հաղորդում է ITAR-TASS-ը:
Դատական նիստը տևել է ընդամենը չորս րոպե, որից հետո տեղափոխվել է, քանի որ վատ եղանակային պայմանների պատճառով Մուրսիի ուղղաթիռը չի կարողացել Ալեքսանդրիայից հասնել Կահիրե:
2012թ. դեկտեմբերի 5-ին «Ալ-Իթիհադիյա» նախագահական նստավայրի մոտ ցուցարարների մահվան գործով քրեական դատավարության երկրորդ նիստը պետք է վերսկսվեր այսօր՝ Կահիրեի ոստիկանական ակադեմիայում: Դատարանի սրահ են ժամանել 14 մեղադրյալներ «Մուսուլման եղբայրներ»-ի առաջնորդների թվից, որոնք պահվում են Կահիրեի մոտ տեղակայված Տորա բանտում:
Ի սկզբանե տեղի ԶԼՄ-ները հաղորդել են, որ Մուրսիին ուղղաթիռով հասցրել են Կահիրե, սակայն ավելի ուշ հայտնի է դարձել, որ գլխավոր մեղադրյալին հնարավոր չի եղել բերել մայրաքաղաք վատ եղանակային պայմանների պատճառով:
