ԱՄՆ պետքարտուղար Մայքլ Փոմփեոն հայտարարել է, որ Իրանի դեմ ամերիկյան պատժամիջոցները կառնչվեն այն երկրներին, որոնք նրա հետ առևտրային հարաբերություններ ունեն։ Նա նշել է, որ «դեռևս մի շարք որոշումներ են մշակվում վերջնաժամկետի՝ նոյեմբերի 1-ի նախօրեին», փոխանցում է ՏԱՍՍ-ը։
«Բայց մոլորությանն մեջ մի՛ ընկեք։ Նոյեմբերի 4-ից հիմնովին այլ օրենքներ կգործեն, որոնք կառնչվեն բոլոր նրանց, որոնք Իրանի Իսլամական Հանրապետությսն հետ տնտեսական գործունեությունն անհրաժեշտություն կհամարեն։ Դա կլինի, լուրջ, կարևոր օր»,-ասել է Փոմփեոն։
Նա դժվարացել է պատասխանել հարցին՝ արդյոք Վաշինգտոնը կտուգանի՞ տեղեկատվություն փոխանցելու և վճարումներ կատարելու SWIFT միջբանկային համակարգին, եթե այն շարունակի աշխատել Իրանի բանկային հատվածի հետ։
