ԱՄՆ էներգետիկայի նախարար Ռիք Փերին լրագրողների հետ զրույցում հայտարարել է, որ Եվրոպային սեփական բնական հեղուկ գազը վաճառելու ցանկությունը չէ «Հյուսիսային հոսք-2» գազատարի նկատմամբ պատժամիջոցներ կիրառելու պատճառը:
Ինչպես հաղորդում է ТАСС գործակալությունը, ամերիկացի նախարարը շեշտել է, որ իրենք դեմ չեն Ադրբեջանից Եվրոպա գազատարի կառուցման նախագծին և չեն վախենում մրցակցությունից:
«Մենք կցանկանայինք, որ Ռուսաստանը հարգեր Մինսկի համաձայնագրերը, և որ Եվրոպան էներգիայի շատ աղբյուրներ ունենար: Պնդումներն այն մասին, որ մենք վախենում ենք մրցակցությունից, քանի որ ցանկանում ենք սեփական գազը վաճառել, անհեթեթություն է: Չէ որ մենք դեմ չենք Ադրբեջանից դեպի Եվրոպա գազատարի կառուցմանը», – ասել է ամերիկացի գործիչը:
Վերջինս հիշեցրել է, որ ՌԴ-ի նկատմամբ նոր պատժամիջոցների պատճառը, որոնք ԱՄՆ-ն սահմանել է օգոստոսին, ՌԴ հետախուզության նախկին գործակալ Սերգեյ Սկրիպալի և նրա դստեր թունավորումն է եղել:
