Ավստրիայի իշխանությունները կարանտինի են ենթարկել օգտագործված տակդիրներով բեռնատարը, որոնք, պարզվել է, աղտոտված են ռադիոկատիվ նյութերով: Այս մասին գրում է Associated Press գործակալությունը:
Լինց քաղաքի ճառագայթային պաշտպանությանը բաժնի ներկայացուցիչները կանչվել են աղբն այրող գործարան այն բանից հետո, երբ Գեյգերի հաշվիչները արձանագրել են բարձր ռադիոակտիվ ֆոն ձեռնարկություն ժամանած բեռնատարում: Մանրամասն ստուգումներից հետո պարզվել է, որ դրա պատճառը մեծերի համար առնվազն քսան տակդիրներն են, որոնք բեռնատարում են հայտնվել հոսպիտալներից մեկից: Պարզվել է նաև, որ տակդիրները վարակված են եղել ռադիոակտիվ յոդով, որն այնտեղ է հայտնվել բուժման կամ ախտորոշման արդյունքում:
Բաժնի ղեկավար Դիթեր Իոնասի կարծիքով՝ օգտագործված հիգիենիկ միջոցները շրջապատողների համար լուրջ վտանգ չեն ներկայացրել:
