Արևի վրա տեղի է ունեցել հզորության բարձր՝ X դասի ռենտգենյան ժայթքում: Մոտավորապես երկու օրից ժայթքման հետևանքով արտանետված պլազմային ամպը կհասնի Երկիր և հինգշաբթի կառաջացնի մագնիսական փոթորիկ:
X1.2 դասի ժայթքումը տեղի է ունեցել Երևանի ժամանակով ժամը 22.32-ին: Պատճառ է դարձել բծերի 1944 խումբը, որը խոշորագույնն է վերջին տարիներին: Խմբում ամենամեծ բիծը կրկնակի մեծ է Երկրից:
Այդ նույն խումբը երեքշաբթի՝ օրվա երկրորդ կեսին, դարձել է ավելի պակաս հզորության՝ M5.6 դասի ժայթքման պատճառ: Այս մասին RIA Novosti-ին հայտնել է «Ռոսհիդրոմետի» Կիրառական կենսաֆիզիկայի ինստիտուտի ներկայացուցիչը:
Արևային ժայթքումները՝ կախված ռենտգեն ճառագայթման հզորությունից, բաժանվում են 5 խմբի՝ A, B, C, M և X:
