Պանամայի ջրանցքի վերակառուցման շուրջ հակամարտող կողմերը պայմանավորվել են աշխատանքները շարունակելու համար հավելյալ գումարներ ներդնելու հնարավորության մասին:
Ավելի վաղ նշվում էր, որ ընկերությունների միջազգային կոնսորցիումը Պանամայի իշխանություններից պահանջել է վճարել 1.6 մլրդ դոլար` վերակառուցման լրացուցիչ ծախսերի համար, իսկ հակառակ դեպքում աշխատանքները կդադարեցվեն հունվարի 20-ին, հիշեցնում է Ria Novosti-ն:
«Մենք բանակցություններ ենք վարում լրացուցիչ ներդրումների վերաբերյալ, որոնք կոնսորցիումը պետք է ներդնի իր կողմից, և նման լրացուցիչ գումար մենք ևս կներդնենք»,-ասել է ջրանցքի ադմինիստրատոր Խորխե Կիհանոն:
Ներդրումների գումարը դեռևս հստակեցված չէ: Ներկայումս ջրանցքի ընդլայնման աշխատանքներն արված են 70 տոկոսով: Աշխատանքները պետք է ավարտվեն 2015-ի ապրիլին: Նախապես վերանորոգման արժեքը գնահատվում էր 5.3 մլն դոլար:
