ՀՀԿ-ն «քուչեքում» չի բանակցում․ Փաշինյանը թող ինֆորմացիան ճշտի․ Շարմազանով

«ՀՀԿ-ն որևէ ուժի հետ չի բանակցում ո՛չ կաֆեներում, ո՛չ ռեստորաններում, ո՛չ դալաններում, ո՛չ քուչեքում, ո՛չ էլ այս դահլիճում։ Հանրապետականը բանակցելու կարիք չունի, եթե Հանրապետականը ցանկանար առաջադրել, կառաջադրեր իր թեկնածուին և իր ամբողջ ռեսուրսով, թիմով կպաշտպաներ իր թեկնածուին։ Մենք չենք առաջադրվել մի պայմանով՝ մենք ցանկացել ենք, որպեսզի այս ընտրությունը լինի բացառապես ծրագրերի ընտրություն։ Եթե մենք առաջադրեինք մեր թեկնածուին, մեծ էր հավանականությունը, որ գրեթե բոլոր ուժերը պետք է քարկոծեին, և կլիներ ոչ թե ծրագրային պայքար, այլ հեղափոխականների և հակահեղափոխականների պայքար»,-«Առաջին լրատվական»-ի հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝ անդրադառնալով նախօրեին Նիկոլ Փաշինյանի ձևակերպմանը, թե հեղափոխության պաշտպան են ներկայանում, քուչեքում բանակցում ՀՀԿ-ի հետ։