«Նորավանք» հիմնադրամի տնօրեն Գագիկ Հարությունյանը ԵԽԽՎ ամբիոնից Սերժ Սարգսյանի ելույթը գնահատում է որպես ՀՀ նախագահի երեք տարիների ամենախաղաղասիրականը՝ հիշեցնելով, որ Սերժ Սարգսյանը պատրաստակամություն է հայտնել զիջումների գնալ ազգերի ինքնորոշման իրավունքի կիրառման հարցում: Բանախոսը շեշտում է, որ այժմ նման կարգավորման հասնելու հնարավորությունը կախված է բացարձակապես ադրբեջանական կողմից. «Չի բացառվում, որ Կազանում ստորագրվի փաստաթուղթ սկզբունքների շուրջ, որոնց հիման վրա հետագայում վերջնական լուծում լինի»,- այսօր լրագրողների հետ հանդիպման ժամանակ կարծիք հայտնեց Գագիկ Հարութունյանը:
«Տարածքները խաղաղության դիմաց» սկզբունքի կիրառումը Գագիկ Հարությունյանը համարում է անընդունելի ներկայիս պայմաններում` հաշվի առնելով Ադրբեջանի ռազմատենչությունը. «Ամեն ինչ իր գինն ունի,ինչպես բոլոր փաստաթղթերում,ներառյալ մադրիդյան սկզբունքներում ենթադրություններ են արվել ազատագրված տարածքները խաղաղության դիմաց զիջելու մասին,սակայն դա չի կարող կիրառվել, քանի դեռ Հայաստանը չունի խաղաղության երաշխիքներ»: