«Մենք ահազանգ ենք հնչեցրել վարչապետ Նիկոլ Փաշինյանին։ Ես իմ կարծիքն եմ ասում՝ մեր հիմնական հակառակորդը Ադրբեջանն է, բայց մեզ այդքան վնաս չեն տվել, ինչքան Քոչարյանը և Սերժ Սարգսյանը իրենց բանդայով։ Այդ վնասը որևէ ձևով չես կարող արդարացնել, իրենք պետք է ցմահ հայտնվեն բանտերում»,-«Առաջին լրատվական»-ի հետ զրույցում ասաց «Ժողովրդավարական հայրենիք» կուսակցության նախագահ Պետրոս Մակեյանը։
Մակեյանը շարունակում է.«Մեր մտահոգությունն այն է, որ դատաիրավական համակարգի սաբոտաժը կազմաքանդում է ողջ պետական համակարգը»։
Նրա խոսքերով՝ հեղափոխությունը ժողովրդինն է , որին հիասթափցնել չի կարելի.«Եթե Աստված չանի՝ այդ հրեշները հետ գան, մենք պետականության կորուստ կունենանք, որովհետև Ռոբերտ Քոչարյանը բացահայտ ասել է՝ինքը պատրաստ է կատարել 5-րդ շարասյան ֆունկցիան իշխանության գալու համար»,-եզրափակեց նա։
Հարցազրույցն ամբողջությամբ՝ մեր տեսանյութում
