Չնայած լրջագույն դժվարություններին՝ Քադաֆին շարունակում է իրավիճակը շտկելու փորձեր անել: Նա երեկ երեկոյան հանդես է եկել հեռուստաուղերձով, որի ձայնագրությունը ցուցադրվել է պետական հեռուստատեսությամբ: «Ճակատամարտը կշարունակվի նաև Այն աշխարհում, քանի դեռ ձեր վերջը չի տրվել»,- ասել է Քադաֆին՝ աջակցություն հայտնելով իր զինակից Հիլդի Հեմիդիին, որի ընտանիքի անդամները զոհվել են երկուշաբթի օրը ՆԱՏՕ-ի ռմբակոծության հետևանքով:
«Այն բանից հետո, երբ դուք սպանել եք մեր երեխաներին և թոռներին, մեր մեջ այլևս ոչ մի համաձայնություններ չկան: Մեզ պատին եք դեմ տվել: Դուք (Արևմուտքը.- 1in.am) կարող եք արդեն ետ քաշվել: Դուք տեղ ունեք նահանջելու։ Մենք չենք վախենում»,- ասել է Քադաֆին:
Այս մասին հաղորդում է ITAR-TASS գործակալությունը:
