Թուրքմենստանի մայրաքաղաք Աշխաբադի զբոսայգիներում ոստիկանները երիտասարդ տղաներից և աղջիկներից գումար են շորթում՝ իբր անպատշաճ վարքագծի համար։
Երիտասարդները հաճախ են զբոսայգիներում ժամանակ անցկացնում։ Վերջերս համադասարանիցները հավաքվել են այնտեղ։ Իսկ երեկոյան, երբ նրանցից վերջին տղան ու աղջիկը գրկախառնվել են միմյանց հրաժեշտ տալու համար, ոստիկան է հայտնվել և բացականչել, որ գրկախառնվել չի կարելի։
«Արդյոք մենք համբուրվե՞լ են, սեքսո՞վ ենք զբաղվել։ Մենք ընկերներ ենք և գրկախառնվում էինք հրաժեշտի համար»,-ասել է զայրացած աղջիկը։ Ոստիկանը և նրա գործընկերը պահանջել են ցածր խոսել և ասել, որ տան մերձակայքում գրկախառնվել կարելի է, իսկ ահա զբոսայգում՝ ոչ։ Ի պատասխան՝ երիտասարդները խնդրել են նշել օրենքը, որով դա արգելվում է։ Ոստիկանները ոչինչ անել չեն կարողացել և նրանց բաց են թողել։
Նշվում է, որ դա միակ դեպքը չէ։ Հաճախ է պատահում, որ զբոսայգիներում ոստիկանները երիտասարդներից գումար են շորթում կամ նրանց տեղամասեր ուղարկում, որտեղ տուգանքի գումարը կրկնապատկվում է։
