Լիբանանում գործող «Երեփունի-Անկախ հայկական լրատու» կայքէջի խմբագիր-սեփականատեր Ահարոն Շխրտմյանի գնահատմամբ՝ անցնող տարին կարևոր էր հայրենիք-սփյուռք փոխհարաբերություններում գիտական-մշակութային-գրական կազմակերպչական միջոցառումներ կազմակերպելու տեսանկյունից, որոնք մեծապես կօգնեն հետագայում փոխհարաբերությունների զարգացմանը: «Հայաստանում մի քանի առիթնով տեղի ունեցան Հայոց ցեղասպանության 100-րդ տարելիցին նվիրված տարբեր միջոցառումներ և գիտաժողովներ, որոնք շատ կարևոր են Հայրենիք-Սփյուռք փոխհարաբերությունների մեջ»,- տեղեկացրեց նա:
Շխրտմյանը նաև առանձնացրեց 2013-ին ՀՀ նախագահի ընտրությունները և ընդգծեց, որ անկախ թափանցիկությունից՝ մի բան ակնհայտ է. Հայաստանում հետզհետե ժողովրդավարական կարգեր են հաստատվում, իսկ 2014-ին ավելի պահանջատեր պիտի լինենք:
2014-ին, նրա պնդմամբ, մի քանի կարևոր քայլեր կան, որ պետք է անի ՀՀ-ն: Դրանցից առաջինը Ցեղասպանության իրավական հատուցման հարցն է. մենք ոչ միայն բարոյական ճանաչում պետք է պահանջենք, այլև մի քիչ ավելի համարձակ քայլեր պետք է անել և քարոզչական աշխատանքները ընդլայնել. «Մեր պահանջն է, որ ժողովրդավարական հասարակարգն ավելի ընդլայնվի, ավելի շատ գործի օրենքը, և Հայաստանը բոլորի համար լինի այն ցանկալի հայրենիքը, որ արտասահմանի հայությունը գաղթի Հայաստան»:
Նա նաև հույս հայտնեց, որ գալիք տարում Լեռնային Ղարաբաղի հակամարտությունն արդար լուծում կստանա, հայոց բանակն էլ խաղաղ պայմաններում կլինի:
