Բրիտանացի ճարտարապետ Նորման Ֆոսթերը լոնդոնյան իշխանություններին ներկայացրել է կախովի հեծանվային ճանապարհների ստեղծման նախագիծ՝ SkyCycle անվանումով: Այս մասին հայտնում է ITAR-TASS-ը:
Համաձայն նախագծի՝ հեծանվային էստակադաները՝ ընդհանուր առմամբ 220 կմ երկարությամբ, պետք է հայտնվեն գոյություն ունեցող երկաթուղային մայրուղիների վրա:
SkyCycle-ը երթևեկությամբ ծանրաբեռնված քաղաքում տարածք գտնելու միջոց է՝ ասել է Ֆոսթերը՝ ներկայացնելով իր նախագիծը:
Նշենք, որ Ֆոսթերի գաղափարը հիացմունք չի առաջացրել Հեծանվային տրանսպորտի աջակցման ընկերության մոտ: Ընկերությունում կարծում են, որ հեծանվորդների համար տեղ կա, պարզապես ներկայում չափազանց մեծ տարածք է տրամադրված մեքենաներին:
Լոնդոնում բարեհաջող աշխատում է հեծանվային վարձույթի համակարգը, կենտրոնական շատ փողոցներում կան հեծանվորդների համար նախատեսված երթևեկության գոտիներ:
