Տարիներ շարունակ Արարատի մարզում ոռոգման ջուրը ծառայել է միայն Հովիկ Աբրահամյանի ու Ալիկ Սարգսյանի հազարավոր հեկտար հողատարածքները ոռոգելու համար, որի դիմաց, «Ժողովրդավարական Արարատ» ՀԿ նախագահ Հենրիկ Ավագյանի խոսքերով, ո՛չ Աբրահամյանները, ո՛չ Սարգսյանները գումար չեն վճարել։
«20 տարի Ալիկ Սերգեիչը մի դրամ փող չի մուծել այդ հողերի համար։ Ո՛չ ինքը, ո՛չ եղբայրը, ոչ ոք։ Անցած տարի են մոտ 700 հազար դրամ մուծել։ Իսկ Հովիկ Արգամիչի հողերի համար մուծել են ջրօգտագործման համար հատկացված պետական դոտացիայի փողերից։ Գումարները, որոնք պետք է ծառայեին ներցանցային մաքրումների համար, վճարվել են Հովիկ Արգամիչի հողերի համար»,- ասաց մեր զրուցակիցը։
Ի դեպ՝ «Արտաշատ» ջրօգտագործողների միությունը կուտակված պարտքեր ունի, աշխատողների աշխատավարձերը մի քանի ամիս է՝ չի վճարվել։ Ավագյանը այդ պարտքերը կապում է հենց սրա հետ։
ՀԿ նախագահի խոսքերով՝ մարզում Հովիկ Աբրահամյանն ու Ալիկ Սարգսյանը սաբոտաժ են անում Նիկոլ Փաշինյանի դեմ։ Նրանք գյուղացիներին ոռոգման ջուր չեն տալիս, ստիպում են, որ գյուղացին բողոքի դուրս գա նոր կառավարության դեմ։
Մանրամասները՝ տեսանյութում։
