«Մայրաքաղաքը գոնե մեկ անգամ պետք է ունենա կին քաղաքապետ»,- այս մասին «Առաջին լրատվական»- ի հետ զրույցում ասաց ԱԺ «Ծառուկյան» խմբակցության պատգամավոր, Երևանի քաղաքապետի թեկնածու Նաիրա Զոհրաբյանը՝ հավելելով, որ ընտրվելու դեպքում ինքը պատրաստ է անել անհնարինը. մարտահրավերներն առջևում են:
Զոհրաբյանը վստահեցրեց, որ սխալ է այն ընկալումը, թե «Ծառուկյան» դաշինքում գործում է «շեֆը ինչ ասեց, ընդունվում է» սկզբունքը: «Ծառուկյանը լսում է բոլորի տեսակետը և որոշումը կայացվում է՝ հաշվի առնելով մեծամասնության կարծիքը»,-ընդգծեց պատգամավորը:
«Ես գիտեմ, թե որտեղից և ինչպիսի հարվածներ են լինելու, ես ամեն ինչի պատրաստ եմ, նրանք, ովքեր ծրագրում են այդ հարվածները, ինձ համար էական չեն, ես շարունակելու եմ գնալ առաջ իմ քաղաքական թիմի հետ, և երևանցիներին ներկայացնելու ենք Երևանն այս վիճակից դուրս բերելու շատ կենսունակ և կարևոր ծրագիր:
Ինձ ասացին, որ Գևորգ Պետրոսյանի գրառումը հավանել են իմ գործընկեր լրագրող կանայք, ես սովոր եմ: Այդ կանայք, ովքեր իմ հանդեպ շատ ընդգծված վերաբերմունք ունեն, այդ վերաբերմունքն ունեցել են 2007-ից սկսած, երբ ես լրագրության դաշտից անցա քաղաքական դաշտ: Ես շարունակում եմ բոլորին հարգել»,- նշեց Զոհրաբյանը:
Նրա դիտարկմամբ՝ Երևանի քաղաքապետի ընտրությունները արտացոլում կունենան ԱԺ ընտրությունների վրա, բայց այս ընտրությունները իրենց որակով տարբեր են լինելու, երևանցին ավելի շատ իր քվեն տալու է այն ծրագրին, որը Երևանի համար լավագույն լուծումները կառաջարկի:
Մանրամասն՝ տեսանյութում:
