Բացառիկ ավտոմեքենաների ամերիկյան Autosport Designs դիլերը վաճառքի է հանել Ferrari F50 մակնիշի մեքենայի առաջին, բացառիկ օրինակը: «99999» համարանիշով ավտոմեքենան կիրառվել է որպես թեստային նախօրինակ, իսկ 1995 թվականին ցուցադրվել է Ժնևի և Տոկիոյի ավտոսրահներում: Յուրահատուկ F50-ի վազքը կազմում է 2253 կմ: Այս մասին գրում է motor.ru-ն:
Սկսած 1994 թվականից վաճառքի հանված մեքենան վարվել է Ֆիորանոյում Ferrari-ի փորձարկման գոտում: Ավելի ուշ մեքենան փորձարկումներ է անցել Մարանոլոյի մոտակայքում գտնվող հանրային օգտագործման մայրուղիներում: F50-ը բազմիցս դարձել է ֆոտոսեսիաների մասնակից, ինչպես նաև հիմք է հանդիսացել մասշտաբային հավաքածուների համար:
