Երևան քաղաքի Արզումանյան և Հալաբյան փողոցների խաչմերուկում տեղի է ունեցել ճանապարհատրանսպորտային պատահար, կան տուժածներ: ՀՀ ԱԻՆ-ը տեղեկացնում է, որ օգոստոսի 1-ին, ժամը 19:34-ին «911» ծառայությանն ահազանգ է ստացվել, որ Երևան քաղաքի Արզումանյան և Հալաբյան փողոցների խաչմերուկում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Աղետների բժշկության կենտրոնի հերթապահ բժիշկը:
Պարզվել է, որ բախվել են «Mercedes C180» մակնիշի (վարորդը՝ Յ. Ա.) և «Mercedes E63» մակնիշի (վորորդը՝ Մ. Ա.) ավտոմեքենաները: «Mercedes C180» մակնիշի ավտոմեքենայի ուղևորները՝ Ա. Ա.-ն (ծնված 1991 թ.), Դ. (ծնված 2014 թ.) և Ն. (ծնված 2016 թ.) Հ.-երը հոսպիտալացվել են «Սուրբ Աստվածամայր» ԲԿ: Դ. և Ն. Հ.-երը, ստանալով համապատասխան բուժօգնություն, դուրս են գրվել, իսկ Ա. Ա.-ն տեղափոխվել է «Էրեբունի» ԲԿ, որտեղ, ստանալով համապատասխան բուժօգնություն, դուրս է գրվել:
Փրկարարները հոսանքազրկել են ավտոմեքենաները և փակել գազի բալոնների փականները:
