Կառավարության շենքի դիմաց դարձյալ բողոքի ակցիա են անում խաղաղ պայմաններում զոհված զինվորների մայրերը: Նրանք այս անգամ բարձրացնում են նաև սոցիալական խնդիր:
«Եթե մինչ այս ինչ-որ օգնություն էինք ստանում, հիմա դա էլ է կտրվել: Մենք ամեն շաբաթ այցելում ենք մեր որդիների շիրիմներին, ի վիճակի չենք, բոլորը հաշմանդամ կանայք են»,- նշեցին նրանք՝ հավելելով, որ այդ գումարները նախկինում ստանում էին նախագահից, հիմա գոնե կառավարությունը պետք է հատկացնի:
Հարցին՝ այժմ այս նոր իրողությունների պայմաններում իրենք հույս ունե՞ն, որ իրենց որդիների գործերը կբացահայտվեն, նրանք նշեցին. «Ոչ մեկին էլ չենք վստահում՝ մինչև մեր աչքով չտեսնենք: Մենք մեծատառով որդիներ ենք տվել, ու այսօր ոչ մի բան, հա՞, գնանք նստենք ու ողբա՞նք: Ես տվել եմ իմ որդուն, թող մեկն իր որդու մատը տա, և ես ոչինչ չեմ պահանջի էս պետությունից»:
Մանրամասները՝ տեսանյութում:
