«Ինչպես ծնողը զավակի մասին խոսելիս պետք է ասի, ես կարող եմ ասել, որ հիացած չեմ։ Ինձ ավելի շատ մտահոգում է, որ փորձառու մարդկանցով, նրանց խորհրդից օգտվելու անհրաժեշտությամբ ու այդպիսի պահանջով չի ապրում մեր սիրելի Նիկոլ Փաշինյանը»,- «Առաջին լրատվական»-ի հետ զրույցում ասաց ԱԻՄ առաջնորդ Պարույր Հայրիկյանը։
Շարունակելով իր միտքը՝ Հայրիկյանը նշում է. «Երբեմն մտածում եմ՝ գուցե չգիտի՞, որ գոյություն ունի Արա Պապյան կամ Րաֆֆի Հովհաննիսյան, կարող է որոշ հարցերում խորհրդակցել։ Պարտադիր չէ բոլոր հարցերում համաձայնես, բայց այդ մարդիկ անցած ճանապարհ ունեն»։
Հայրիկյանի դիտարկմամբ՝ Մոսկվան Հայաստանի իրավիճակից դժգոհ չէ, բայց տագնապում է իրական արժեքային փոփոխություններից: «Նկատո՞ւմ եք՝ ինչքան ռուսաստրուկ է նորից մեջտեղ գալիս։ Այսօրվա իշխանությունները փախչում են արժեքային փոփոխություններից, մենք այսօր ներկայացումներ ենք տեսնում՝ սրան բռնեցին կամ նրան»,- ասաց նա։
Հարցազրույցն ամբողջությամբ՝ տեսանյութում:
