«Հրապարակ»-ը գրում է. «Երեկ ԱԺ արտահերթ նիստում նույնիսկ ՀՀԿ-ականներն այնքան էին վրդովվել գազային խայտառակ պայմանագրերի առիթով, որ, մոռանալով իրենց իշխանական կարգավիճակը, թեժ բանավեճի մեջ էին մտել նախարար Արմեն Մովսիսյանի հետ, երբեմն էլ իրավիճակը դուրս էր գալիս ԱԺ նախագահի վերահսկողությունից: Մասնավորապես, երբ ՀՀԿ-ական պատգամավոր Մանվել Բադեյանը կառավարությանը մեղադրեց խախտումներ թույլ տալու մեջ՝ նշելով, որ թեեւ էներգետիկայի եւ բնական պաշարների նախարարը հայտարարում է, թե «ՀայՌուսգազարդը» թանկ գնով է գազ գնել, սակայն բնակչության համար գինը չի թանկացել, այսինքն՝ ստացվում է, որ այդ ընկերությունն աշխատել է վնասով, արդյունքում կուտակվել է պարտք:
«Այդ դեպքում ինչպե՞ս է այդ ընթացքում այդ ընկերությունը շահութահարկ վճարել: Ո՞նց է ինքը թանկ գնով գազ առնում, գինը չի բարձրացնում, միեւնույն ժամանակ շահութահարկ է վճարում. ինչ-որ բան այն չէ»,- նկատել է նա»: