Հավաքական անվտանգության պայմանագրի կազմակերպությունը (ՀԱՊԿ) կզբաղվի «գունավոր հեղափոխություններ»-ի հակազդմամբ, որոնք ԱՊՀ երկրներում փորձում է կազմակերպել Արևմուտքը: Այս մասին հայտարարվել է երեկ՝ ՀԱՊԿ-ի կազմակերպած կլոր սեղանի արդյունքներով:
Մասնակիցները հանգել են այն եզրակացության, որ «ՌԴ-ի արևմտյան հակառակորդները» ակտիվորեն ազդում են համացանցային օգտատերերի մտքի վրա, տարբեր կազմակերպությունների և մամուլի միջոցով ձևավորում հասարակական տրամադրությունների աղավաղված պատկեր: Նրանք ՀԱՊԿ-ին խորհուրդ են տվել զբաղվել «հակաքարոզչության գործիքների մշակմամբ», իսկ Ռուսաստանին՝ չամաչել փոխազդել հարևան երկրների ներքաղաքական կյանքին:
«Զարմացնում է հեղափոխությունների կազմակերպիչների և ուղեկիցների նենգությունը, որոնք շահադիտական նպատակներ են հետապնդում և դրանց հասնելու համար խտրականություն չեն դնում միջոցների մեջ՝ ներառյալ իրավական դաշտի և բարոյական նորմերի սահմաններից դուրս գալը»,- ասել է ՀԱՊԿ գլխավոր քարտուղար Նիկոլայ Բորդյուժան:
Բանավեճի մասնակիցները համաձայնել են, որ տեղեկատվական պատերազմում Ռուսաստանը պարտվում է Արևմուտքին: