Ոչ միայն գործադիր տնօրենն, այլև հիմնադրամի աշխատակիցները պետք է ներքին կարգապահություն ունենային։ «Հայաստան» համահայկական հիմնադրամի հիմքերը ի սկզբանե՝ 1992-ից սկսած, սխալ դրվեց այն առումով, որ գործադիր տնօրեններին տրվեցին մեծ լիազորություններ։
«Առաջին լրատվական»-ի հետ զրույցում Ազգ օրաթերթի գլխավոր խմբագիր Հակոբ Ավետիքյանը կարծում է, որ հիմնադրամում կառուցվածքային փոփոխություններ պետք է լինեն, Կառավարությունը «ձեռքերը պետք է դուրս հանի» հիմնադրամից։
«Հիմնադրամի գործադիր տնօրեններն աշխատեռլ են հանրապետության նախագաի հետ, համաձայնեցրել են ու մնացած հոգաբարձուները դեր չեն ունեցել։ Տարին մեկ անգամ հանդիպում էին, հանդիսավբոր կերպով և վերջ։ Սա իր ծանր հետևանքներն ունեցավ։ Սրանից առաջ ևս ձախողումներ են տեղի ունեցել»,- նշեց մեր զրուցակիցը։
Նա հիշեցրեց Վարդենիս –Մարտակերտ ճանապարհի շինարարության առաջին փուլը, երբ խիճը լցրել էին ճանապարհին, իբր նորոգել էին, հետո՝ ձմռանը մեծ վնասներ կրել․ «Այդ գումարները մսխվել էին։ Հիշում եք՝ հետո Կառավարությունը բյուջեից հատկացում արեց, հատկապես Հովիկ Աբրահամյանի վարչապետոսւթյան օրոք երկու անգամ գումար տրամադրվեց, որպեսզիօ այդ ճանապարհը սարքվեր։ Այնինչ, դա հիմնադրամի առաքելությունը պետք է լիներ»,- մանրամասնեց Հակոբ Ավետիքյանը։
Վերջինս շեշտեց, որ սփյուռքահայերը չէին սիրում բարձրաձայնել խնդիրների մասին, իրենք գումար էին հատկացնում և վերջ։ Ի դեպ՝ Սոցիալ դեմոկրատ Հնչակյան կուսակցությունը `«Հայաստան» հիմնադրամի հոգաբարձուների խորհրդից դուրս գալու որոշում է կայացրել։
Հակոբ Ավետիքյանը գտնում է, որ կոռումպացված համակարգում չէր կարող լինել մաքուր օազիս ի դեմս Հիմնադրամի, իսկ սփյուռքահայերի անվստահությունը եղել է իշխանությունների ու համակարգի նկատմամբ։
Հարցազրույցն ամբողջությամբ՝ տեսանյութում
