20-ամյա ամերիկյան մոդել, «Քարդաշյանների ընտանիք» հեռուստաշոուի մասնակից և վերջերս արդեն գործարար կին դարձած Քայլի Ջեները շուտով կդառնա աշխարհի ամենաերիտասարդ միլիարդատերը։
2016 թվականի փետրվարին աղջիկը հիմնել է Kуlie Cosmetics ընկերությունը և Instagram-ի իր էջում, որտեղ 110 միլիոն բաժանորդ ունի, գովազդի շնորհիվ ավելի քան 630 միլիոն դոլար է վաստակել։ Ներկայումս Ջեների կարողությունը հասել է 900 միլիոն դոլարի։ Աշխարհի ամենահարուստ կանանց վարկանիշային աղյուսակում, որոնք իրենց ուժերով են հասել հաջողության, Ջեները 27-րդ հորիզոնականն է գրավել։
Քայլիի խոսքերով՝ սեփական կոսմետիկ միջոցների շարքը թողարկելիս, որն ամենասկզբում միայն շրթունքների համար միջոցներ էր նախատեսում, ինքն ամեն կերպ փորձել է գտնել իրենը։
