Բրիտանուհին երկվորյակներով հղի լինելու մասին անսպասելիորեն տեղեկացել է իր տանը ծննդաբերության ժամանակ՝ գրում է Daily Mail-ը:
21-ամյա Բեթ Բեմֆորդը գիշերը գնացել է զուգարան և այնտեղ անսպասելիորեն ծննդաբերել է: Մինչ այդ կինը չի իմացել իր հղիության մասին. պարբերաբար դաշտան է տեսել, իսկ որովայնի մեծանալը վերագրել է իր գիրանալուն: Մինչև երկվորյակների լույս աշխարհ գալը նա երկու դուստր է ունեցել՝ երեք և երկու տարեկան:
Երբ զուգարանում սկսվել են ծննդաբերության ցավերը, նա զանգել է փրկարարներին, ովքեր հեռախոսով խորհրդատվություն են իրականացրել՝ օգնելով կնոջը ծննդաբերելու և նույնիսկ ուշքի բերելու չշնչող նորածնին:
Ամուսինը զարթնել է և շտապօգնություն կանչել: Սկզբում ոչ ոք չի հավատացել, որ կինը չի իմացել իր հղիության մասին. դրանից նա շատ է վիրավորվել: «Ես ցնցված էի կատարվածից, իսկ նրանք ինձ դեռ մեղադրում էին, որ սուտ եմ խոսում»,- ասել է կինը:
Նրան տեղափոխել են հիվանդանոց և մեկ շաբաթ անց դուրս գրել երեխաների հետ: Երկվորյակները միանգամայն առողջ են:
