Ջորջ Քլունիի սկուտերին բախված վարորդը բացատրել է վթարի պատճառը

Մեքենայի վարորդը, որը բախվել էր ամերիկյան դերասան Ջորջ Քլունիի սկուտերի հետ, նշել է վթարի պատճառը։ Մեքենայի ղեկին գտնվող 65-ամյա Անտոնելլի Վիրջիլինոն բացատրել է, որ միջադեպի պահին արևից կուրացած է եղել։ Այս մասին գրել է Daily Mail պարբերականը՝ հուլիսի 11-ին։

Վթարը տեղի է ունեցել հուլիսի 10-ին, առավոտյան, իտալական Սարդինիա կղզում։ Քլունիի սկուտերը բախվել էր սև ունիվերսալ Mercedes-ին։ Դերասանին հիվանդանոց են տեղափոխել, նա լուրջ վնասվածքներ չի ստացել։

.