Մակեդոնիայի նախագահ Գեորգե Իվանովը պնդում է, որ ինքը չի ստորագրի իր երկրի անվան փոփոխության վերաբերյալ Հունաստանի հետ համաձայնագիրը նույնիսկ այն բանից հետո, երբ խորհրդարանը արդեն երկրորդ անգամ վավերացրել է փաստաթուղթը՝ գրում է eurointegration.com-ը:
«Մակեդոնիայի նախագահը չի ընդունում համաձայնագիրը, որը վնասում է Մակեդոնիայի ազգային ինքնորոշմանը և Մակեդոնիայի Հանրապետության շահերին: Նախագահ Իվանովի դիրքորոշումը անփոփոխ է և չի փոխվի ոչ մի ճնշման ներքո»,- ասվում է երկրի ղեկավարի պաշտոնական կայքում տարածված հայտարարությնա մեջ:
Ըստ սահմանադրության՝ նախագահը միայն մեկ անգամ կարող է չեղարկել խորհրդարանի հավանությանն արժանացած օրինագիծը, սակայն նա պետք է ստորագրի այն, եթե պատգամավորները հաղթահարում են վետոն, ինչը տեղի ունեցավ հինգշաբթի օրը:
Նույն սահմանադրությունը, սակայն, ժամկետ չի սահմանում, և իվանովը կարող է հետաձգել փաստաթղթի ստորագրումը, ինչը անկասկած կհանգեցնի սահմանադրական ճգնաժամի:
