Sotheby՚s աճուրդային տունը վաճառքի Է հանել Ֆրանսիայի Նապոելոն I Բոնապարտ կայսեր եւ նրա ընտանիքի անդամների մանրանկարչական դիմանկարները: Այս մասին ասված Է աճուրդավարների հաղորդագրության մեջ, որոնց տեղեկություններով՝ աճուրդը կկայանա հուլիսի 4-ին:
Աճուրդային տան ներկայացուցիչ Հենրի Հաուսի խոսքով՝ մանրանկարները յուրատեսակ նկարներով ընտանեկան ալբոմ են, որոնք նախորդել են լուսանկարչության դարաշրջանին:
«Ինտիմ անձնական դիմանկարները պահվել են ընտանիքում,- նշել Է նա:- Մենք տեսնում ենք Նապոլեոնի հորը, մորը, եղբայրներին եւ քույրերին եւ ազգականներին: Դա դիմանկարների հիանալի հավաքածու Է ներքին օգտագործման, այլ ոչ թե կողմնակի աչքերի համար»:
Դրանք մտնում են այն 44 լոտերի շարքը, որոնք պատկանում են Նապոլեոնի սերունդներին եւ գնահատվում են մոտավորապես 1 միլիոն ֆունտ ստեռլինգ (1,3 միլիոն դոլար): Աճուրդավարները որպես առավել վառ հազվագյուտ իրերից մեկը նշել են քթախոտի ոսկեզօծ տուփիկը՝ Ժոզեֆինա կայսրուհու պատկերով, որը ձեռքին բռնել Է նամակը՝ Աուստեռլիցի մոտ կայացած ճակատամարտում հաղթանակի մասին, հաղորդել Է ՏԱՍՍ-ը:
