30-40 զինվորը կարող է մի զորամասում տեղակայվել ու շատ կարևոր գործառույթ իրականացնել, բայց 30-40 բժիշկները կարող են տեղակայվել նույնքան զորամասերում ու որպես բժիշկ սպասարկել այդ բոլոր զորամասերը: Նման տեսակետ է այսօր հայտնել Երևանի Մ. Հերացու անվան պետական բժշկական համալսարանի ուսանող Վարդա Շահինյանը:
Նրա խոսքով՝ թեև այս փաստը բոլորն են հասկանում, բայց անհայտ պատճառներով դրան լուծում չի տրվում:
«Ասում են՝ իրավաբանական տեսանկյունից, չգիտեմ, հնարավոր է՝ թույլ չի տալիս օրենքը, բայց, կներեք, ո՞րն է մեր մեղքը, որ մենք այդ ամեն ինչի մասին նոր ենք իմացել, երբ մենք պետական քննությունների հանձնման ամենաբարդ շրջանում ենք գտնվում»,- ասել է նա:
