Ամերիկյան առցանց վաճառող Amazon-ը հայտարարել է PillPack դեղատունը գնելու մասին, որը զբաղվում է խրոնիկ հիվանդություններ ունեցողներին դեղատոմսով դեղերի մատակարարմամբ: Գործարքի գումարը չի հաղորդվում. ըստ Bloomberg-ի, որը հղում է կատարում իրավիճակին ծանոթ աղբյուրներին, այն կարող է հասնել 1 մլրդ դոլարի:
Գործարքը անհանգստության ալիք է բարձրացրել ամերիկյան դեղագործական և դեղատների շուկայում, քանի որ այս ոլորտի խաղացողները նախկինում միշտ զգուշանում էին, որ Amazon-ը, ցանկացած ապրանքների գծով առցանց վաճառող դառնալու իր ձգտման արդյունքում կարող է սկսել նաև դեղատոմսերով դեղերի վաճառք իրականացնել:
