Ֆրանսիայի կառավարությունը երկրի 16 տարեկան քաղաքացիների համար ազգային ծառայության պլան է մշակել, որը հաստատվել է կառավարության հունիսի 27-ի նիստում։
Ազգային ծառայությունը ներառում է բոլոր քաղաքացիներին՝ անկախ սեռից։
Այն երկու փուլի է բաժանվելու։ Առաջին փուլը պարտադիր մեկամսյա ուսուցումն է։ Կառավարությունում նշել են, որ այստեղ շեշտը դրվելու է քաղաքացիական մշակույթի վրա, որ «թույլ կտա երիտասարդներին նոր հարաբերություններ ստեղծել և զարգացնել իրենց դերը հասարակության մեջ»։
Մասնավորապես, դեռահասները աշխատելու են բարեգործական ընկերությունների հետ և ավանդական վերապատրաստում են անցնելու ոստիկանությունում, հրշեջ ծառայությունում և բանակում։
Երկրորդ փուլը՝ կամավոր է։ Այն կարող է երեք ամսից մինչև մեկ տարի տևել։ Այս փուլում դեռահասները կրթվելու են «պաշտպանության և անվտանգության» հետ կապված ոլորտներում։
Կառավարությունը խորհրդակցություններ է սկսել, որպեսզի ծավալի ծրագիրն արդեն հաջորդ տարվանից։
