Մալայզիայի նախկին վարչապետ Նաջիբ Ռազաքից բռնագրավված թանկարժեք զարդերի եւ իրերի արժեքը կազմում Է 910 միլիոն ռինգիթից (226 միլիոն դոլարից) մինչեւ 1,1 միլիարդ ռինգիթ (277 միլիոն դոլար): Հունիսի 27-ին այս մասին հայտնել Է «Սինհուա» գործակալությունը՝ վկայակոչելով ոստիկանությանը:
Ոստիկանության տվյալներով՝ ընդամենը բռնագրավել Է 25 պայուսակ՝ ոսկով, շուրջ 12 հազար միավոր թանկագին զարդ, 567 Hermes պայուսակ, 423 հատ ձեռքի ժամացույց, 234 միավոր արեւի ակնոց եւ կանխիկ գումար 26 արժույթներով: Իրավապահ մարմինները նաեւ հայտնել են, որ շուտով հարցաքննության կկանչեն Նաջիբին եւ նրա կնոջը: Նշվում Է, որ այս պահին դա երկրում ունեցվածքի խոշորագույն բռնագրավումն Է ամբողջ պատմության ընթացքում:
Ներկայում նախկին վարչապետը ներդրումային հիմնադրամում յուրացումների գործով անցնում Է որպես վկա, բայց նրան արգելված Է հեռանալ Մալայզիայի սահմաններից, հաղորդել Է ՏԱՍՍ-ը:
