Ծանոթների շրջանում «չարանենգ» կինը հայտնի է իր ակտիվությամբ և նախաձեռնողականությամբ։ Օրինակ, հարսին և թոռներին կերակրելու համար նա սկսել է տնական օղի վաճառել։
70-ամյա թոշակառու կինն ավազակախումբ է հավաքել և Լենինգրադյան շրջանի Կիրիշի քաղաքում բանկի կողոպուտ է բեմադրել, որպեսզի թոռնուհու հարսանիքին կարողանա բնակարան նվիրել։
Հայտնի է, որ ծեր կինը ցանկացել է իր թոռնուհուն և նրա ապագա ամուսնուն արժանավայել նվեր անել՝ բնակարան Սանկտ–Պետերբուրգում։ Սակայն թոշակառուն ընդամենը 500 հազար ռուբլի է ունեցել։ Գումարը կրկնապատկելու համար նա որոշել է բանկի կողոպուտ բեմադրել։
Իր մտադրությունն իրականացնելու համար նա երկու համակիրների է գտել՝ իր ընկերուհու 21–ամյա որդուն և կողոպտված բանկում գանձապահ աշխատող մի միայնակ մոր։
Նրանք համաձայնել են հոնորարի դիմաց օգնել թոշակառուին։ Երիտասարդը պետք է կողոպտիչ ձևանար, իսկ գանձապահը, առանց դիմադրության, նրան 530 հազար ռուբլի տար՝ ծեր կնոջ հաշվից։
Սակայն մանրամասն մտածված պլանը ձախողվել է վերջին պահին. երիտասարդը բանկից փողերով դուրս վազելուց հետո, հանել է ակնոցներն ու գլխարկը, անցորդները նրան անմիջապես ճանաչել և ոստիկանությանն են հանձնել։
Կողոպուտի բոլոր մասնակիցներին բաց են թողել չհեռանալու մասին ստորագրությամբ։
Ոստիկանությունը գործ է հարուցել կողոպուտի մասին հոդվածով։ «Ավազակախմբի» մասնակիցներին մինչև յոթ տարի ազատազրկում է սպասվում:
