Եգիպտոսի ֆուտբոլի ասոցացիան (EFA) պատրաստվում է բողոք ներկայացնել աշխարհի առաջնության շրջանակում Ռուսաստանի հետ խաղի մրցավարների դեմ։ Հանդիպումն ավարտվեց 3։1 հաշվով, Ռուսաստանի օգտին։ Մրցավարը պարագվայցի Էնրիկե Կասերեն էր։
«Մենք դատական հայց կներկայացնենք մրցավարների թիմի դեմ, քանի որ այն ակնհայտ սխալներ էր թույլ տալիս։ Մրցավարն անտեսեց տեսակրկնություններն օգտագործելու հնարավորությունը (VAR) տուգանային հրապարակում Մարվան Մոհսենի ընկնելու ժամանակ- դա մաքուր 11-մետրանոց էր»,-Filgoal պարբերականին հայտնել է EFA-ի նախագահ Խանի Աբո Ռիդան։