Դոմինիկյան Հանրապետությունում շարունակվում է դենգե դեղէրոցքի համաճարակը, երկրում 1 տարում գրանցվել է վարակման ավելի քան 15,5 հազար դեպք, հայտնում է ITAR-TASS-ը:
Հիվանդության հետևանքով մահացել է 110 մարդ: Պարբերականն ընդգծել է, որ 1 տարվա ընթացքում դենգեից մահացության դեպքեր գրանցվել են «ամեն շաբաթ, առաջին հերթին՝ երեխաների շրջանում»:
Առողջապահության պանամերիկյան կազմակերպության տվյալներով՝ նոյեմբերի կեսին Հարավային Ամերիկայում գրանցվել է հիվանդության վարակման ավելի քան 2,2 մլն դեպք, որից ավելի քան 1,1 հազարը մահվան է հանգեցրել:
Հայտնի է, որ վիճակն առավել ծանր է Պարագվայում, որտեղ վարակվել է ավելի քան 150 հազար մարդ, որոնցից 240-ը մահացել են: Բրազիլիայում հիվանդացել է ավելի քան 1,4 մլն մարդ, մահացել է 522 մարդ:
