«Բավարիա»-ի գլխավոր մարզիչ Պեպ Գվարդիոլան, խոսելով Գերմանիայի Բունդեսլիգայի ընթացիկ առաջնությունում մյունխենյան թիմի հեռանկարների մասին, ընդգծել է, որ իրենց դեռ վաղ է անվանել չեմպիոններ: Մասնագետը նաև հերքել է տարածված այն համոզմունքը, որ Չեմպիոնների լիգայի գործող գավաթակիրն այս պահին Եվրոպայի ուժեղագույն ակումբն է:
« «Բավարիա»-ն Եվրոպայի ուժեղագույն թիմը չէ: Նախորդ տարի` Յուպ Հայնկեսի գլխավորությամբ, ակումբին շատ հաճախ էին գովաբանում, ու դա արդարացի էր: Սակայն այս տարի մենք գովասանքի արժանի չենք: Բայց մենք կարող ենք շատ բաներ բարելավել մեր խաղում:
Ինձ մոտ զգացողություն կա, որ մարդիկ մտածում են` Բունդեսլիգայում ամեն ինչ արդեն վճռված է: Սակայն դա ճիշտ չէ. այս պահին դեռ միայն դեկտեմբեր ամիսն է: Ես, խոստովանում եմ, զարմացած եմ, թե որքան դժվար է խաղալ Բունդեսլիգայի յուրաքանչյուր մրցավեճում»,- Գվարդիոլայի խոսքերը մեջբերում է Goal.com-ը:
