Լիբիայում գործող զինված ոստիկանության գրոհայինները նախկին ապստամբների թվից առգրավել են շուրջ հարյուր բեռնատար, որոնք եկել են Եգիպտոսից՝ պահանջելով արտահանձնել լիբիացի նախկին ղեկավար Մուամար Քադաֆիի զարմիկին՝ Ահմեդ Քադաֆի Ալ-Դամին:
Ինչպես հաղորդում է ITAR-TASS-ը, նախկին աշխարհազորայինները երեքշաբթի երեկոյան փակել են երկու երկրներն իրար կապող միջազգային մայրուղին և բռնի կերպով պահում են բեռնատարների վարորդներին:
Հիշեցնենք, որ Եգիպտոսի մայրաքաղաք Կահիրեի քրեական դատարանը արդարացրել է Քադաֆիի զարմիկին, որը մեղադրվում էր ոստիկանության երեք սպաների մահափորձի, անօրինական զենք պահելու, իշխանություններին դիմադրելու համար: Նա Ինտերպոլի հարցման արդյունքում ձերբակալվել է մարտին Կահիրեում, որտեղ մշտական բնակություն է հաստատել 2011թ:
Ձերբակալությունից անմիջապես հետո Լիբիան պահանջեց արտահանձնել գնդապետի եղբորը՝ նրան առաջադրելով կոռուպցիայի մեղադրանք: Սակայն Կահիրեում հայտարարել են, որ Ալ-Դամը կարող է արտաքսվել այն բանից հետո, երբ Եգիպտոսում ավարտվի նրա դեմ դատական գործընթացը:
Միևնույն ժամանակ լիբիացի գրոհայինները որոշել են չսպասել և խոստանում են, որ պատանդ վերցրած վարորդներին և առգրավված բեռները կազատեն այն բանից հետո, երբ Ալ-Դամը հանձնվի Լիբիայի նոր իշխանություններին:
Հաղորդվում նաև, որ Լիբանանի հետ սահմանակից եգիպտական Ալ-Սալյում քաղաքում շուրջ 250 բեռնատարների վարորդներ հրաժարվում են հարևան երկիր ուղևորվել առևանգման մասին տեղեկատվությունից հետո:
