Ավստրալիայի Նոր Հարավային Ուելս նահանգի իշխանությունները որոշել են անօդաչու թռչող սարքեր կիրառել շնաձկներին հետևելու համար, որոնք մոտենում են երկրի ամենախիտ բնակեցված նահանգի լողափերին: Ինչպես հայտնել են նահանգի կառավարության արդյունաբերական դեպարտամենտում, ներկայումս խորհրդակցություններ են անցկացվում համալսարաններից մեկի փորձագետների հետ անօդաչուի կոնկրետ մոդելի ընտրության առնչությամբ:
Դեպարտամենտի աշխատակիցները հրաժարվել են հայտնել համալսարանի անունը, որի հետ բանակցություններ են վարում՝ նշելով, որ դա կոմերցիոն գաղտնիք է: Այս մասին փխանցում է ITAR-TASS-ը:
Միաժամանակ, Արևմտյան Ավստրալիա նահանգի իշխանությունները հայտարարել են ձկնորսական նավերի վարձակալման մասին, որոնց կհանձնարարվի սպանել ավելի քան 3 մետր երկարություն ունեցող շնաձկներին, որոնք կնկատվեն անվտանգության հատուկ գոտիներում:
Նոյեմբերի վերջին Ավստրալիայում շնաձկների զոհ են դարձել երկու սերֆինգիստներ: Դեպքերը տեղի էին ունեցել վերոնշյալ նահանգներում:
