Բրիտանական Ստաֆորդշիր կոմսության փոքր քաղաքի բնակիչը ձերբակալվել է Նելսոն Մանդելայի մասին անտակտ կատակի համար:
Տղամարդու խոսքով՝ ոստիկանները նրանից մատնահետքեր և ԴՆԹ նմուշներ են վերցրել: Բացի դրանից՝ իրավապահ մարմինների աշխատակիցները կասկածյալին հարցաքննել են 8 ժամ: Այս մասին փոխանցում է Gazeta.ru-ն:
Ձերբակալվածի խոսքով՝ նա նպատակ չի ունեցել իր կատակով վիրավորելու ՀԱՀ նախկին նախագահին: Մասնավորապես, բրիտանացին գրել էր, որ «իր համակարգիչն անջատվում է այնքան դանդաղ, որ դրան կարելի է Նելսոն Մանդելա անվանել»:
Հիշեցնենք, որ երեկ Յոհանեսբուրգի մարզադաշտում անցկացվել է Մանդելայի հոգեհանգիստը՝ աշխարհի երկրների 91 բարձրաստիճան ներկայացուցիչների մասնակցությամբ: Սգո միջոցառմանը մասնակցել է մոտ 200 հազար մարդ: ՀԱՀ-ի իշխանությունները տեսահեռարձակում էին կատարել երեք հավելյալ մարզադաշտերում:
ՀԱՀ նախկին նախագահը, որը Խաղաղության Նոբելյան մրցանակակիր է, մահացել է դեկտեմբերի 6-ին, 96 տարեկանում: Ապարտեիդի ռեժիմի դեմ պայքարի մարտիկի հուղարկավորությունը տեղի կունենա դեկտեմբերի 15-ին նրա հայրենի Կունու գյուղում:
