Արցախի նախագահ Բակո Սահակյանի խորհրդական Գառնիկ Իսագուլյանի կարծիքով՝ Հայաստանում և Արցախում տեղի ունեցող ներքաղաքական փոփոխությունները իրար հետ փոխկապակցված չեն: «Միանգամայն տարբեր գործընթացներ են և ամենևին իրար հետ չի կարելի համեմատել։ Այն, ինչ տեղի է ունեցել Արցախում, Հայաստանում սխալ մեկնաբանություններ է ստանում»,- «Առաջին լրատվական»-ի հետ զրույցում ասաց նա։
Իսագուլյանը հավելում է՝ Արցախում բողոքի ակցիայի մասնակիցները ստացել են ավելին, քան պահանջում էին՝ նկատի ունենալով նախկին պետնախարար Արայիկ Հարությունյանի հրաժարականը։ Մեր զրուցակիցը նախագահ Բակո Սահակյանի հրաժարականի հիմքեր չի տեսնում: «Նա պետք է մնա և առայժմ՝ մինչև 2020 թվականը, ղեկավարի։ Այն մարդիկ, որ ինչ-որ պահանջներ են առաջ քաշում ու մտածում՝ սա Հայաստանում տեղի ունեցածի օրգանական շարունակությունն է, չարաչար սխալվում են»,- ընդգծեց նա։
Արցախի պաշտոնյան ողջունում է Նիկոլ Փաշինյանի՝ Ստեփանակերտը բանակցությունների սեղանին վերադարձնելու հայտարարությունը և շեշտում՝ որքան էլ չկիսի Փաշինյանի մոտեցումներն արտաքին քաղաքականության շուրջ, այդ հարցում «100 տոկոսով համաձայն է»։
Հարցազրույցն ամբողջությամբ՝ տեսանյութում: