Այսօր՝ հունիսի 7-ին, Ազգային ժողովում հրավիրվել է արտահերթ նիստ՝ քննարկելու Կառավարության ծրագրին հավանություն տալու հարցը:
«Նիկոլ ջան, զգույշ եղիր, ու ընդհանրապես՝ ամբողջ կառավարությունով զգույշ եղեք, որովհետև Հայաստանի ցանկացած հակահեղափոխության թիրախն եք դուք: Իմացեք, դուք շատ շատերի կոկորդին եք կանգնած»,- ուղիղ տեքստով վարչապետ Նիկոլ Փաշինյանին ասաց «Ծառուկյան» խմբակցության պատգամավոր Արարատ Զուրաբյանը՝ հիշեցնելով Վանո Սիրադեղյանի նամակը Վազգեն Սարգսյանին: Ուստի նա կոչ արեց ընտրությունները շատ արագ անցկացնել. «Մի նայեք՝ պատրաստ են, պատրաստ չեն, քաղաքականությամբ զբաղվողը պետք է միշտ պատրաստ լինի»:
Արարատ Զուրաբյանի խոսքով՝ Վանոն քաղաքական վտարանդի է. «Վանոն հեռացվել է Հայաստանից նրա համար, որ վտանգ է ներկայացրել Քոչարյանի իշխանությանը: Իր մեջ, իր կազմակերպական ունակությունների պարագայում էդ իշխանությունը տեսել է մարդու, որը կարող է էդ պահին Նիկոլը լինի ու կոնկրետ փոխի իշխանությունըլ»:
Նրա խոսքով՝ Աշոտյանն էսօր լավ էր խոսում. «Բուժվել ա, լավ ա, էդ տղերքը հիվանդացել էին: Շնորհակալություն Հայաստանում առողջապահական լուրջ պրոցես իրականացնելու համար»:
Արարատ Զուրաբյանը նշեց, որ ԿԳԲ-ում դեռ կա չեկիստական ոգին, մթնոլորտը, հոտը. «Դրանցից պետք է զատել մարդկանց, որոնք իսկական հետախույզ են և հակահետախույզ»:
Արարատ Զուրաբյանը անդրադարձավ նաև լյուստրացիայի խնդրին. «Ձեզ պատմական հնարավորություն է տրվել՝ մաքրեք Հայաստանը, իմանանք՝ ով ում է ծառայել»:
Մանրամասները՝ տեսանյութում:
