ՀՀ աշխատանքի և սոցիալական հարցերի նախարար Արտեմ Ասատրյանը չի ընդունում ԲՀԿ տեսակետը, ըստ որի՝ կառավարությունը հապճեպ ձևով նախագծեր է գրում, ապա դրանք ուրբաթ կեսգիշերին ներկայացնում Ազգային ժողովի քննարկմանը: Լրագրողների հետ զրույցում նախարարը զարմանքով նշեց. «Դուք այդպիսի բան տեսնո՞ւմ եք, կա՞ն այդպիսի բաներ»:
Լրագրողների դիտարկմանը, թե կան նախագծեր, որոնք անհասկանալիորեն արագ են գրվում, նախարարը պատասխանեց, որ հապշտապ գրվող նախագիծ չկա: «Նախագծերը ձևավորվում են իրենց ընթացակարգերով և անցնում են բոլոր ընթացակարգերը: Նախագիծը կարող է ներկայացվել ԱԺ-ի քննարկմանը: Այլ հարց է, որ նա կարող է չհասցնի հանձնաժողովներում քննարկվել»,- ասաց նա:
Նախարարին հիշեցրին, որ «Բարգավաճ Հայաստանը» դեռևս չի հասցրել քննարկել նախագծերը, ի պատասխան՝ Ասատրյանն ասաց. «Դե, թող ուսումնասիրեն»:
