Վրաստանի ԱԳՆ-ն Սիրիայի հետ դիվանագիտական հարաբերությունները խզելու մասին պաշտոնական հաղորդագրություն է ուղարկել ՄԱԿ -ում և Եգիպտոսում Սիրիայի դիվանագիտական ներկայացուցիչներին:
Ինչպես հաղորդում է РИА Новости-ն՝ մայիսի վերջին Վրաստանի փոխարտգործանախարար Դավիթ Դոնուդան հայտարարել էր, որ Թբիլիսին սկսել է Դամասկոսի հետ դիվանագիտական հարաբերությունների խզման գործընթացը, այն բանից հետո, ինչ Սիրիան ճանաչել է Աբխազիայի և Հարավային Օսիայի անկախությունը:
«Հիմք ընդունելով երկրի կառավարության՝ 2018 թվականի մայիսի 31-ի որոշումը՝ վրացական կողմը կասեցրել է Վրաստանի Հանրապետության և Սիրիայի միջև դիվանագիտական հարաբերությունների մասին համաձայնագրի գործունեությունը, որը կնքվել է 1993-ի մայիսի 18-ին: Երկու երկրի միջև դիվանագիտական հարաբերությունների խզման մասին ԱԳՆ պաշտոնական հաղորդագրությունը 2018-ի հունիսի 1-ին փոխանցվել է Սիրիայի դիվանագիտական ներկայացուցիչներին ՄԱԿ-ում և Եգիտոսում»,- ասվում է գերատեսչության հաղորդագրության մեջ:
