Մարդկանցից շատերը դժբախտ են զգում իրենց անհաջող հարաբերությունների, հոգեբանական խնդիրների, առողջության վատթարացման կամ փող չունենալու պատճառով: Նման եզրահանգման են եկել Լոնդոնի Տնտեսագիտության և քաղաքական գիտությունների դպրոցի գիտնակնները «Երջանկության ծագումը» վերնագրով հետազոտությունից հետո՝ գրում է segodnya.ua-ը:
Հետազոտության ընթացքում գիտնականները վերլուծել են չորս երկրներից, այդ թվում՝ Գերմանիայից և ԱՄՆ-ից ստացված տվյալները: Արդյունքում գիտնականները պարզել են, որ տագնապի և ընկճախտի մակարդակի նվազեցումից մարդու մոտ 20%-ով բարձրանում է երջանկության զգացողության մակարդակը, մինչդեռ աղքատության մակարդակի նվազեցումը ընդամենը 5%-ով է ազդում երջանկության զգացողության վրա:
Պատճառը, ըստ գիտնականների, այն է, որ մարդիկ ավելի են կարևորում իրենց առողջական վիճակը և այլոց հետ հարաբերությունները, քան փողը: Այնուամենայնիվ, դա չի նշանակում, որ ֆինանսական վիճակը կարևոր չէ. այն կարող է նկատելիորեն բարելավել մարդու կյանքը:
