Իսրայելի անվտանգության Շին–Բետ ծառայությունը Արևելյան Երուսաղեմում ձերբակալել է սիրիական ահաբեկչական խմբավորման անդամներին։
«Ահաբեկիչները մահափորձ էին նախապատրաստում Իսրայելի վարչապետ Բենյամին Նեթանյահուի և մի շարք այլ բարձրաստիճան պաշտոնյաների դեմ»,– հաղորդում է տեղական i24news լրատվական կայքը։
Մեղադրանքներն առաջադրվել էին երեք կասկածյալներին դեռևս մայիսի 27-ին, սակայն մինչև երեքշաբթի դատարանը արգելել էր լուսաբանել գործի ընթացքը։
Ներկայումս Նեթանյահուն պաշտոնական այցով գտնվում է Եվրոպայում։ Հունիսի 4-ին նա բանակցություններ է վարել Գերմանիայի կանցլեր Անգելա Մերկելի հետ։
Հունիսի 5-ին Նեթանյահուն հանդիպելու է Ֆրանսիայի նախագահ Էմանուել Մակրոնի, հունիսի 6-ին՝ Մեծ Բրիտանիայի վարչապետ Թերեզա Մեյի հետ։
