Հոլիվուդյան դերասան Օռլանդո Բլումի հետ ամուսնալուծությունից հետո նրա նախկին կին Միրանդա Քերն ակտիվորեն զբաղվում է իր մոդելային կարիերայով: Իսկ վերջերս աղջիկը Harper’s Bazaar Australia ամսագրի համար մերկ է լուսանկարվել:
Շապիկին Միրանդան ներկայացել է վամպ-կնոջ դերում: Նա լուսանկարվել է սև սմոքինգով, որը հագել է մերկ մարմնի վրա: Խորը V-աձև կտրվածքը բացում է մոդելի կուրծքն ու փորը: Վառ շրթներկը հիանալի կերպով լրացնում է նրա համարձակ զգեստը:
Երկրորդ լուսանկարում Քերը պատկերված է միայն «մատիտ» կիսաշրջազգեստով և կատվի ականջներով ու շղարշով զվարճալի պնդօղակով: Մերկ մարմինը Միրանդան փակում է ձեռքերով:
Հարցազրույցի ընթացքում Միրանդան հայտարարել է, որ Օռլանդո Բլումն աջակցում է իրեն և ոչ մի վատ բան չի տեսնում մերկ ֆոտոշարքերում: Մոդելը նաև ընդունել է, որ հիանալի հարաբերություններ ունի նախկին ամուսնու հետ:
«Բաժանումը շատ բարդ բան է: Մեզ համար շատ կարևոր էր ընկերական հարաբերությունները պահպանել: Մենք իրար նկատմամբ ազնիվ ու բաց կմնանք»,- ասել է նա:
